Алтынемел орта мектебі тарихы
Алтынемел ауылында 1930- шы жылдардың басында орыс бастауыш мектебі ашылды, өйткені ақ патшаның саясатымен Алтынемел ауылына орыс халқы қоныстандырылып , жергілікті қазақтар ашаршылықтан азайып кетті. Кейін бұл мектеп орталау одан соң 60-шы жылдары орта мектеп болып қайта құрылды.
Осы мектеп бітірушілердің біразы әскери оқу орындарына түсті , соның бірі Скрепкин , кейіннен генерал-майор шеніне жетті.
Турксиб салу барысында да орыс , украин ұлттары Сарыөзек маңына , сонын ішінде Алтынемел , Ақбастау (бұрынғы Урицкое ) ауылдарына шоғырланды. Урицкое бастауыш мектебінен Алтынемел орта мектебіне оқушылар 5-шы сыныптан бастап жаяу қатынап оқып жүрді. Оқу орыс тілінде 1989 жылға дейін жалғастырылды.
Соғыстан кейінгі жылдары Зверев, Толқышев Базарбек деген кісілер мектепті басқарды.
Оқуға деген ыңталары мықты оқушылар Новосибирск , Мәскеу , Ленинград қалаларының жоғарғы оқу орындарына түсіп жатты . Әр түрлі салаларда маман ретінде танылды.
Мектепті 60-шы жылдары соғыс ардагері Евдаков Яков Иванович басқарды. 1980 жылы ҚазССР оқу-ағарту ісінің үздігі атағын алды .
1968-1975 жылдары Голышев Виктор Венниаминович мектеп директоры қызметін атқарды. Одан кейін де ұзақ жылдар бойы терең білім беретін география пәнінің мұғалімі болып жұмыс жасады.
Біздің мектепте 60-шы жылдары Курганскиий Тимофей Михайлович математика пәнінен дәріс берген.Кейін ол кісі Гвардия аудандық атқару комитеті, одан соң Талдықорған облыстық атқару комитетінің председателі қызметін атқарды.
Мектепті 1975-77 ж.ж. Бабашев Кемербай Бабашұлы басқарды .
1982 жылы ҚазССР оқу-ағарту ісінің үздігі төс белгісімен марапатталған .
Ал , 1980-1993 ж.ж. аралығында Хайболаев Евгений Исаевич директор қызметін атқарып, мектеп ұжымының ұйытқысы бола білді, жас ұрпақты тәрбиелеуде ерінбей еңбек етті , сондықтан да Қазақстан Республикасының Білім Беру ісінің үздігі атағына 1992 жылы ие болды.
Мектебімізде 1958-1995 жылға дейін , яғни бір мекемеде 37 жыл , Рафикова Мирбану Таировна , математика пәнінің мұғалімі , директордың оқу-тәрбие ісі жөніндегі орынбасары қызметтерді атқарып, ел құрметіне бөленді. Еңбегі бағаланып, грамоталар , мерекелік медальдар мен Қаз ССР оқу-ағарту ісінің төсбелгісінің иегері атанды .
Сондай-ақ , 1978 жылы физика пәнінің мұғалімі Кастрова Ирина Яковлевна «Құрмет белгісі» орденімен марапатталған .
Алтынемел орта мектебінің түлектерінің ішінен Оңғарбаев Тұрашты мақтанышпен атап айтуға болады. Ауыл шаруашылық ғылымдарының докторы, прфессор , Қазақ Ұлттық аграрлық университетінің оқытушысы болып ұзақ жылдар еңбек етіп келеді.
1981 жылдың түлегі Мәскеу мемлекеттік университетінде әлеуметтік - экономика мамандығы бойынша оқып, Қазақ Мемлекеттік Ұлттық университетінде құқықтану, саясат және әлеуметтану мамандығының аспирантурасын тамамдады. Алған білімі бойынша мемлекеттік қызметтер атқаруда .
Мектебімізді үздік бітіріп мақтанышымызға айналған шәкірттеріміз өте көп. 1982 жылы мектепті Бабашева Катипа ,Лагунцова Елена ,Хабирова Раисалар «Алтын медалмен » бітірсе, 1983 жылы Аманбаева Сауле , Бабашева Жанар , Машанло Эльмира бітірді. 1989 жылы Кенжеханова Жазира , Репетина Валентина , ал 1995 жылы Утеев Ермек «Алтын медаль» иегерлері атанды.
1988 жылы Мырзалинов Серік, 1990 жылы Абдрахманова Мира , 1991 жылы Сексембаева Алия , ал1992 жылы Какенов Алтай мен Унгатов Азамат Күміс медальмен марапатталды .
1996 жылы математика пәнінің мұғалімі Утеев Болат Аубакирович, бастауыш сынып мұғалімі Смаилова Сауле Кеңесбайқыз
"Оқу ісінің үздігі " төс белгілерімен марапатталды.
2002 жылы Канаева Мадина Үздік аттестатқа ие болды.
2009 жылы Ақтау қаласында өткен оқушылардың Республикалық пәндер олимпиадасында география пәні бойынша 11 сынып оқушысы Аубакирова Гаухар жүлделі 2 –ші орынға ие болып , 2-ші дәрежелі диплом және Күміс медальмен марапатталды.
2008-2016 жылдары директор қызметін математика пәнінің мұғалімі Асылбекова Торгын Тулепбергеновна атқарды. ҚР Білім және ғылым Министрлігінің Құрмет грамотасымен марапатталды.
2016-2019 жылдары орыс тілі мен әдебиеті пәнінің мұғалімі Ахметова Айнур Аязбековна директорлық қызметті атқарды.
2019 жылдан бастап мектеп директоры лауазымын Кистаубаев Асет Бакытович атқаруда.